Şoltsdan XƏBƏRDARLIQ: "Kreml ciddi cavab alacaq"

"Rusiyanın Ukraynaya qarşı nüvə silahından istifadə etməsi keçilməz bir xəttdir (red: "qırmızı xətt"). Belə bir addımın qarşısını almaq lazımdır".

Bu barədə Publika.az Almaniya kansleri Olaf Şoltsın bəyanatına istinadla xəbər verir.

"Bu münaqişədə nüvə silahından istifadə qəbuledilməzdir", - Şolts deyib.

Kansler Rusiyanı bunu etməyəcəyini açıq şəkildə bildirməyə çağırıb:

"Əgər Rusiya Ukraynaya qarşı müharibədə nüvə silahı komponentlərindən istifadə edərsə, Kreml ciddi beynəlxalq cavab alacaq".

Almaniya kansleri cümə günü Çinə səfəri zamanı vurğulayıb ki, o və Çin prezidenti Si Cinpin nüvə təhdidlərinin məsuliyyətsiz və çox təhlükəli olması ilə razılaşırlar.

Eyni zamanda, Pekinə səfəri ilə bağlı tənqidlərə cavab verən Almaniya hökumətinin başçısı qeyd edib ki, Çin sədri Si Cinpini Ukraynadakı müharibə zamanı nüvə silahından istifadəyə qarşı çıxmağa inandırmaq səfər üçün kifayət qədər səbəb olub.

Bundan əvvəl Rusiya Federasiyası Ukraynaya hücum etməzdən əvvəl Almaniyaya nüvə zərbəsi endirilməsi məsələsini müzakirə etmişdi.

Qərb ölkələri Rusiyanın nüvə eskalasiyasının qarşısını almaq üçün bütün vasitələrdən, o cümlədən diplomatik vasitələrdən istifadə edir.

Hüseyn İbadlı