Avropa

Yeddi uşaq və anası yanaraq öldü, ata isə...

6 Fevral 2023 18:45

Fransanın Şarli-sür-Marn bələdiyyəsində yaşayış binasında baş verən yanğın zamanı 5-i qız olmaqla 7 uşaq və onların anası yanaraq ölüb.

Publika.az xəbər verir ki, bu barədə "Avropa həqiqəti" yazır.

Bildirilir ki, yanğın baş verən zaman uşaqların valideynləri dərin yuxuda imiş. Qonşuların zəngindən sonra hadisə yerinə gələn yanğınsöndürənlər yanğını saat 00:52-də ram edə biliblər.

Hadisə yerində olan aidiyyatı qurumlar yanğının baş vermə səbəbini öyrənməyə çalışırlar. Qeyd edək ki, prokurorluq da araşdırmalara başlayıb.

Ölən uşaqların 2-14 yaş aralığında olduğu bildirilir.

Ailə başçısının vəziyyətinə gəldikdə isə ağır yanıqlar alan ata xilas edilərək, Şato Terri xəstəxanasına çatdırılıb. Onun həyatı üçün təhlükənin olmadığı bildirilir.

Ayşən