11 min NATO əsgəri bu ölkədə yerləşdirildi

Polşada 11 minə yaxın NATO əsgəri yerləşdirilib.

Publika.az "İnterfaks"a istinadla xəbər verir ki, bu barədə Polşa hökumətinin mətbuat katibi Petr Müller bildirib.

“Bu gün Polşada müttəfiq orduların 11 minə yaxın əsgərinin, o cümlədən ABŞ-dan, həmçinin Böyük Britaniya, Kanada və NATO-ya üzv olan digər ölkələrdən 10 minə yaxın əsgərin yerləşdirildiyini vurğulamaq lazımdır ki, bu da Polşanın təhlükəsizliyini artırır", - Müller deyib.

Nazirlər Kabinetinin nümayəndəsi qeyd edib ki, 2015-ci ildən bəri Polşa ordusunun sayı 95 min nəfərdən demək olar ki, 164 min nəfərə yüksəlib. Bu müddət ərzində ölkənin hərbi texnikanın alınmasına xərcləri də 160% artıb.

Mətbuat xidmətinin rəhbərinin sözlərinə görə və hazırda Polşa müdafiə büdcəsinin faizi üzrə tələbləri üstələyən azsaylı NATO ölkələrindən biridir.

“Keçən il biz ÜDM-in 2,3%-ni xərclədik və bu il bu, aylar, daha doğrusu, illərdir imzaladığımız öhdəliklər və silah müqavilələri səbəbindən xeyli daha böyük məbləğ olacaq”, - deyə Müller yekunlaşdırıb.

Hüseyn İbadlı