Avropa

Almaniyada xəstəxanada DƏHŞƏT: diri-diri yanıb ölən var

1 Noyabr 2024 08:48

Almaniyanın Frankenberq şəhərində (Hessen federal əyaləti) xəstəxanada güclü yanğın baş verib.

Publika.az xəbər verir ki, bu barədə Bild qəzeti məlumat yayıb.

Bildirilib ki, yanğın nəticəsində 14 nəfər xəsarət alıb. Onlardan birini xilas etmək mümkün olmayıb.

İlkin məlumata görə, yanğın saat 18:40 radələrində otaqlardan birində başlayıb və yanğın siqnalı işə düşüb. Həkimlərin sonradan xilas edə bilmədiyi şəxsin yanğın baş verən palatadakı xəstə olduğu ehtimal edilir. Yanğın uğurla söndürülüb.

13 xəstə tüstüdən zəhərləndiyi üçün digər tibb müəssisələrinə köçürülüb. Bəzilərinin başqa əlavə köməyə ehtiyacı yaranıb.

Hadisə yerində bir neçə yanğınsöndürən maşın, təcili yardım maşınları və tibb işçiləri olub. Xəstəxananın bəzi əraziləri yararsız hala düşdüyündən 150-yə yaxın xəstə qonşu klinikalara köçürülməli olub.

Hazırda polis yanğının səbəbi araşdırır.

Hüseyn İbadlı