Avropa

Baş katib təsdiqlədi: Trampla görüş olub və...

23 Noyabr 2024 16:50

NATO-nun mətbuat xidməti təsdiqləyib ki, alyansın baş katibi Mark Rutte ABŞ-ın Florida ştatında prezident seçkilərindən sonra ilk görüşünü Donald Tramp, eləcə də onun komandasının üzvləri ilə keçirib.

Publika.az xəbər verir ki, bu barədə NATO-nun mətbuat xidməti məlumat yayıb.

"Onlar alyansın qarşısında duran bir sıra qlobal təhlükəsizlik məsələlərini müzakirə ediblər", - məlumatda deyilir.

Bildirilib ki, NATO-nun öz təyyarəsi olmadığı üçün Rutte Trampa Hollandiya hökumətinin təyyarəsi ilə uçub.

"Washington Post" alman rəsmilərinə istinadən daha əvvəl yazmışdı ki, Rutte yaxın vaxtlarda Trampın Mar-a-Laqo iqamətgahına baş çəkəcək və onu Ukrayna məsələsində Rusiyaya güzəştə getməməyə inandıracaq. Nəşr yazır ki, NATO-nun baş katibi Trampla söhbətində qeyd etmək niyyətindədir ki, Ukrayna münaqişəsi kontekstində Rusiyaya güzəştlər Qərb üçün qəbuledilməzdir, çünki “pis razılaşma Trampa ziyan vuracaq”.

Akqabay