Madriddə kafedə partlayış: 25 nəfər xəsarət aldı, 2 nəfərin... - YENİLƏNDİ

Madriddə barda baş verən partlayış nəticəsində ən azı 25 nəfər xəsarət alıb.

Publika.az xəbər verir ki, bu barədə "El Pais" maris məlumat yayıb.

"Şənbə günü Madridin Puente de Valyekas bölgəsində baş verən qaz partlayışı nəticəsində 25 nəfər xəsarət alıb. Onlardan üç nəfərin vəziyyəti ağır, ikisinin isə potensial olaraq ağırdır", - məlumatda deyilir.

Partlayış zamanı barın özü, həmçinin binanın üstündə yerləşən yaşayış mənzili zədələnib.

Xatırladaq ki, partlayış sentyabrın 13-ü axşam saatlarında baş verib. Madrid polisi güclü partlayışdan sonra uçmaq təhlükəsi ilə əlaqədar Puente de Valyekas bölgəsindəki evlərin sakinlərini mənzillərinə buraxmır.

İlkin məlumata görə, hadisəyə səbəb qaz sızması olub.

xxx

21:00 - 13.09.25

İspaniyanın paytaxtı Madridin Puente de Valyekas bölgəsində yerləşən kafedə partlayış baş verib.

Publika.az xəbər verir ki, bu barədə BFMTV telekanalı məlumat yayıb.

Bildirilib baş vermiş partlayış nəticəsində 21 nəfər xəsarət alıb, onlardan 3 nəfərin vəziyyəti ağırdır.

Hadisə yerinə təcili yardım və yanğınsöndürmə xidmətləri cəlb olunub. Partlayış yerli vaxtla saat 15:00-da baş verib və səbəbi hələlik məlum deyil.

Hüseyn İbadlı