Xalqı qorxutdu: Bunu etsək, ildə iki ay pensiyadan məhrum olacaqsınız

Macarıstanın Baş naziri Viktor Orban bildirib ki, Avropa Birliyinin Ukraynaya maliyyə dəstəyi səbəbindən macar təqaüdçüləri növbəti 10 il ərzində ildə iki aylı pensiyalarını itirəcəklər.

Publika.az xəbər verir ki, Orban bu barədə cümə axşamı "Facebook" səhifəsində yazıb .

Orban iddia edir ki, Ukrayna növbəti 10 il ərzində kifayət qədər çox pul istəyir. O iddia edir ki, bu, Ukrayna baş nazirinin Brüsseldən, onlar da bizdən istədiyi 800 milyard avroya bərabərdir.

“Dünənki hökumət iclasında (Aİ nazirlərinin) Yanoş Bokun Brüssel hökumətinin bu 800 milyard avronu necə bölüşdürəcəyi və bunun maliyyələşdirilməsi üçün nədən istifadə edəcəyi barədə hesabatını dinlədik. Nəticə olduqca dəhşətlidir. Brüssel fərmanları 13-cü və 14-cü pensiya ödənişlərini ləğv edəcək, ailə müavinətlərini ləğv edəcək və Macarıstan vergi ödəyicilərinə gəlir vergisi tətbiq edəcək. Bütün bunlar Ukraynanın kommunal xərclərini ödəmək üçün kifayət qədər pulun olması üçün edilir”, - deyə Orban bildirib.

Orban əlavə edib ki, biz macarlar bunu istəmirik!

“Nazir Bokanın hesabatını ictimaiyyətə açıqlayacağıq, çünki macar ailələrinin Brüsselin onlara hansı planı tətbiq etmək istədiyini bilmək hüququ var. Aprel ayında isə onlar Brüsselə gedən yolla sülhə gedən yol arasında seçim edə biləcəklər", - Orban deyib.

Macarıstanda 13-cü pensiya təqaüdçülərin aylıq pensiyalarına əlavə olaraq, adətən fevral ayında aldıqları rəsmi dövlət ödənişidir. 2025-ci ilin noyabr ayında Orban hökuməti 14-cü pensiyanın da tətbiqi planlarını açıqladı - görünür, bu, bu yaz keçiriləcək parlament seçkilərindən əvvəl təqaüdçülərin rəğbətini qazanmaq cəhdidir.

Tural