Hakim partiya Orbana yenidən “yaşıl işıq” YANDIRDI

Hakim Fidesz-Macarıstan Vətəndaş Birliyi partiyası qarşıdan gələn parlament seçkilərində Macarıstanın Baş naziri Viktor Orbanı hökumət başçısı vəzifəsinə namizəd seçib.

Publika.az xəbər verir ki, qərar Budapeştdə keçirilən və M1 kanalında canlı yayımlanan 31-ci Fidesz Konqresində qəbul edilib.

Qurultay iştirakçıları yekdilliklə və heç bir etiraz olmadan hazırkı baş nazirin namizədliyini dəstəkləyiblər. Orban partiya üzvlərinə etimad göstərdikləri üçün təşəkkür edib. Baş nazir vurğulayıb ki, "20 illik vəzifəsindən sonra bu vəzifəni yerinə yetirməyə hazırdır".

Viktor Orban ilk dəfə 1998-ci ildə Macarıstan hökumətinin başçısı olub. O, bu vəzifəni 2022-ci ilə qədər tutub, daha sonra isə 2010-cu ilin mayında Qordon Bajnaini əvəz edib.

Macarıstanda növbəti parlament seçkiləri 2026-cı ilin aprel ayında keçiriləcək. Orbanla yanaşı, Hörmət və Azadlıq Partiyasından Peter Magyar, Vətənimiz fraksiyasından Laszlo Toroczkai, İkiquyruqlu Köpək Partiyasından Gergeli Kovaç, Demokratik Koalisiyanın Klara Dobrev və Macarıstan Sosialist Partiyasından İmre Komyati iştirak edəcəklər.

Hüseyn İbadlı