Avropa

Çexiya "L-159" təyyarələrini Ukraynaya verməyəcək - “Məsələ bağlandı”

25 Yanvar 2026 03:13

Çexiya Baş Naziri Andrej Babiş Praqa hökumətinin Kiyevə L-159 yüngül təlim-döyüş təyyarələrini verməyəcəyini təsdiqləyib.

Publika.az xəbər verir ki, bu barədə xəbəri Idnes.cz portalı yayıb.

“Ukraynaya heç bir L-159 satışı yoxdur və olmayacaq. Məsələ bağlandı”, - Babiş vurğulayıb.

Baş nazir həmçinin bildirib ki, təyyarələrin verilməsi ilə bağlı müzakirələr süni xarakter daşıyır.

Xatırladaq ki, 16 yanvarda keçirilən mətbuat konfransında Çexiya Prezidenti Petr Pavel ukraynalı həmkarı Volodimir Zelenski ilə birgə bildirib ki, Praqa yaxın vaxtlarda Kiyevə dronları vurmaq qabiliyyətinə malik döyüş təyyarələri təqdim edə bilər. Lakin Çexiya Xarici İşlər Nazirliyi sonradan qeyd edib ki, prezidentin Ukraynaya təyyarələr verilməsi reallığı əks etdirmir.. Nazirlik bildirmişdi ki, Petr Pavel bu məsələdə vəd verməməli, təklif etməməli və ya danışıqlar aparmamalıdır, çünki bu onun səlahiyyətlərinə daxil deyil.

Hüseyn İbadlı