Ölümü ilə heyrətləndirən şair – FOTOLAR

1921-ci ilin 26 avqustunda güllələnmiş rus şairi, tərcüməçi, ədəbi tənqidçi, səyyah, çekist, zabit Nikolay Stepanoviç Qumilyovun ölümündən öncəki mərd davranışları böyük marağa səbəb olub.

Publika.az Rusiya mediasına istinadən xəbər verir ki, Qumilyovun ölümünün şahidlərindən birinin etirafları şairin Fövqəladə Komissiyanın üzvlərinin hədələrindən belə qorxmadığını göstərir.

Qumilyovun ölümünün şahidlərindən birinin xatirələrindən: "Bəli, bu, sizin Qumilyovdur. Bilirsiniz, o, çox əla öldü. Ölümündən öncə gülümsəyirdi. Papirosunu çəkib qurtardı. Qumilyov öz hərəkətləri ilə hətta Xüsusi Şöbənin uşaqlarına təəssürat bağışladı. Boş qoçaqlıq, amma hər halda möhkəm tip idi.

Çox az adam belə ölür. Neynək, axmaqlıq ölümünə səbəb oldu. Bəzilərinə elə gəlirdi ki, o, böyük karyerasını əldə edib. Bizə belə adamlar lazımdır".

şahidin sözlərinə görə, Qumilyov Fövqəladə Komissiyada sonadək özünü mərd aparıb: "Mühafizə əsgərinin kamerada şair Qumilyov varmı sualına belə cavab verib:

"- Şair Qumilyov burada yoxdur, burada zabit Qumiyov var".

Şairin edam edildiyi Kronştad qalasıda onun kamerasının divarları yanında sonralar onun güllələnməzdən əvvəl, axırıncı gecədə yazdığı şeirlərini tapırlar.

Anar