Ucuzluq və keyfiyyət axtarışında: hansı simsiz qulaqlıqları almaq lazımdır? - VİDEO

Simsiz qulaqlıq almaq üçün ən vacib qaydalardan biri mağaza seçimidir. Bu vəziyyətdə pula qənaət etmək istəyi sizi yanılda bilər, çünki daha aşağı qiymət seqmentində siz çox güman ki, saxtakarlıqla qarşılaşacaqsınız. Saxta məhsulu qəbz və sənədlər olmadan mağazaya qaytarmaq mümkün olmayacaq, odur ki, büdcə məhduddursa və ya hədiyyə olaraq alınırsa, onda iki seçim var: ya sertifikatlaşdırılmış mağazadan, ya da bir az artıq ödəniş etməklə “Ozon”, yaxud “Wildberries” kimi bazarlarda qulaqlıqları almaq. Hər iki halda onları açıb səs və performansı yoxlamaq mümkün olacaq.

Publika.az xarici mətbuata istinadən oxucuları qulaqlıq markaları və onların funksionallığı haqqında məlumatlarla tanış edir.

Xiaomi Haylou MoriPods

Ucuz simsiz qulaqlıqların reytinqini Çinin XIAOMI cihazları açır. Bunlar bazarda ən sərfəli qulaqlıqlardan biridir, xüsusilə aktiv gəzinti və ya istirahət həvəskarlarını sevindirəcək: onlar batareya ilə təxminən 4,5 saat işləyirlər. “Haylou MoriPods”lar “AptX Adaptive” kodek ilə komplektləşdirilirlər və “Android” smartfonları ilə əlaqəni sürətləndirən ən son “Bluetooth” 5.2 versiyası ilə təchiz olunublar. Daxili dinamiklər lazımi miqdarda aşağı tezliklər verir, ümumiyyətlə səs keyfiyyəti yüksəkdir. Onlar yalnız mobil cihazdan musiqi və televiziya şouları üçün deyil, həm də onlayn oyunlar üçün uyğun gəlir. Qulaqlıqların qiyməti təxminən 69 manatdır.

Xiaomi Haylou GT3

Bu komplektə qulaqlıq modeli ilə hibrid drayver və daha bahalı “AirPods Pro”da olduğu kimi işləyən rəqəmsal səs-küyün azaldılması sistemi daxildir. İşin funksionallığını qeyd etmək lazımdır: bir dəfə batereya doldurmaqla HAYLOU GT3 Pro 4,5 saata qədər işləyə bilər. Səsin özü də vacibdir: GT3 Pro simsiz qulaqlıqlarında hansı növ faylın səsləndirilməsindən asılı olaraq musiqinin səsini və dərinliyini dəyişən ekvalayzer var. Ancaq çatışmazlıqlar da tapmaq olar: mikrofon səsli söhbətlər və zənglər üçün yaxşı deyil. Qulaqlıqların qiyməti 69 manatdır.

“Oppo Enco” “Air AirPod”ların ən yaxşı analoqudur

Bu “qulaqlıqlar” üst örtüyü şəffaf plastikdən hazırlanmış korpuslu qulaqlıqların bir çox modellərindən fərqlənir. Korpus sürətli batareyanın sürətlə dolmasını dəstəkləyir, akkumulyatorun tutumu isə 445 mAh təşkil edir. Qulaqlıqlar sürətli şarjı dəstəkləyir - bir saatdan az müddətdə 0-dan tam dola bilir. Qulaqlıqlar həmçinin korpusa və ya smartfonun özünə toxunmaqla idarə olunur. Qulaqlıqları telefona qoşmağı unutmayın - bu, “Bluetooth 5.2 sayəsində baş verir. Qiymət-səs nisbəti burada məqbuldur: səs yüksəkdir, lakin top modellər qədər zəngin deyil. Zahirən qulaqlıqlar birinci nəsil “AirPod”lara çox bənzəsə də, orijinaldan bir qədər pis səslənir. Qulaqlıqların qiyməti 105 manat təşkil edir.

“Realme Buds Air 2”

Ən yüksək keyfiyyətli simsiz qulaqlıqlardan biridir, seqmentdə 140 manat dəyərinədir. Bortda - “Bluetooth” 5.2-nin ən son versiyası, aktiv səs-küyü basdırmaq xüsusiyyətinə malik həssas mikrofonu var. Rahat smartfon tətbiqi, nəmdən qorunma və sürətli enerji yığa bilmək funksionallığı ilə yanaşı, cəmi on dəqiqə şarj ərzində cihazı iki saatlıq enerji ilə təmin edəcək.

Huawei Free Buds 4I

Bu modelin qulaqlıqları yüksək seqment texnologiyasına keçid modeli hesab olunur. “Huawei Free Buds 4I” xarakterik “telefon əks-sədası” olmadan, ətraf mühit şəraitindən asılı olmayaraq, minimum səslə musiqini mükəmməl şəkildə yayır və səsi mümkün qədər canlı çatdırır. Qulaqlıqları həm smartfonunuzdan, həm də korpusa adi toxunuşların köməyi ilə idarə edə bilərsiniz. Qulaqlıqların qiyməti 190 manat təşkil edir.

Xiaomi 1More Comfortbuds PRO ANC

Adından da göründüyü kimi, “Xiaomi”nin bu qulaqlıqları aktiv səs-küyün ləğvi funksiyasını dəstəkləyir və bu sistemin üstünlüklərindən biri külək səs-küyünü basdırmasıdır. 1More komplektinə daşıma çantası və silikon qulaqlıqlar daxildir. Modelin üstünlükləri arasında həmçinin metal “mesh” hava kanalının olması və IPX4 standartına uyğun olaraq nəmdən qorunma funksiyasının olmasıdır. Qacet rəsmi proqram vasitəsilə idarə olunur və konfiqurasiya edilir. Səs haqqında ayrıca danışmağa dəyər. Kiçik dinamiklər artıq gurultu çıxarmadan maksimum həcmdə yaxşı keyfiyyətdə səs çıxara bilir. Qulaqlıqların qiyməti 210 manatdan başlayır.

Soundcore Life A2 ANC

“Soundcore Life A2 ANC” bir çox daxili funksiyaları rəqiblərdən fərqləndirir. Səsə gəlincə, qulaqlıqlar “Apple” və “Dr. Dre's Beats” kimi görkəmli brendlərlə rəqabət apara bilir: rəylərə görə, səs olduqca yumşaq və hamar olduğu üçün qulağı yormur. Doğrudur, dəyəri yüksəkdir: bu modelin simsiz qulaqlıqları 235 manatdan başlayır.

BGVP Q2S

Çox yönlülük bu qulaqlıq modelinin əsas xüsusiyyətidir. Onlar hibrid drayver sistemi ilə təchiz olunub, onun vasitəsilə siz cihazı istənilən rejimdə işləmək üçün konfiqurasiya edə və MMCX konnektorundan istifadə edərək simli qulaqlıq kimi işləyə bilərsiniz. “BGVP Q2S” simsiz əlaqə üzərindən maksimum həcmdə 7,5 saat işləyir. 2S altı cüt qulaq yastığı ilə birgə satılır: üç cüt ağ və üç cüt qara. Qulaqlıqların qiyməti 260 manatdan başlayır.

Xiaomi FlipBuds Pro

“Xiaomi”dən daha bir maraqlı model. Qulaqlıqlar simsiz və sürətli şarj yığma funksiyasına malikdir, o cümlədən “AptX Adaptive” səs texnologiyasını və ən son “Bluetooth” 5.2-ni dəstəkləyir. Bundan əlavə, bu modeldə cihazın axtarışı funksiyası var ki, bu da şübhəsiz ki, evdə itmiş qulaqcıqların axtarışını asanlaşdıracaq. Keyfiyyətli aşağı tezliklər və yaxşı quraşdırılmış mikrofonla təchiz edilmiş cihazın yeganə çatışmazlığı qiymətdir. Dəyəri 300 manatdan başlayır.

Samsung Galaxy Buds Pro

“AirPods”dan başqa bazarda ən bahalı simsiz qulaqlıqlardan biridir. “Galaxy Buds Pro” geniş seçim imkanları ilə öyünür: “Dolby Atmos” dəstəyi, simsiz enerji yığma, iki “Samsung” telefonunu birləşdirmək üçün çox nöqtəli əlaqə, yaxınlıqda səs aşkar edildikdə musiqinin səsini kəsməyə imkan verən səs izləmə funksiyası, gurultu səsini basdırması və başqa xüsusiyyətlər... “Samsung Scalable Codec” səsi dərin və zəngin edir. Qulaqlıqlar smartfona “Bluetooth” 5.0 ilə qoşulur və sinxronizasiya edilir. Qulaqlıqlar qulaqlara möhkəm oturur, odur ki, qaçış və ya digər idman fəaliyyətləri üçün mükəmməldir. Qulaqlıqların qiyməti 400 manatdır.