Rusiyanın ən titullu “vor zakon”u və onun azərbaycanlı cangüdəni həbs edildi - - FOTO

Ötən həftə Rusiya kriminal aləminin daha bir “xaç atas”sı Yuriy Piçuqin həbs edildi.

Bu, Zaxari Kalaşnikovun həbsindən sonra ən səs-küylü hadisədir.

Piçuqa ləqəbilə tanınan "oğru" fevralın 18-də Moskvada 72 saat müddətinə saxlanılıb. Sonra təyyarə ilə Komiyə gətirilib. Sıktıvkar məhkəməsi dünən onun barəsində 2 aylıq həbs qəti imkan tədbiri seçib.

Piçuqa 1994-cü ildən Komidə mütəşəkkil cinayətkar dəstə yaradıb. Bu dəstəyə peşəkar idmançılardan ibarət xetli adam cəlb edib. Dəstə üzvləri regionda bir çox kommersiya sahələrinə nəzarət ediblər.

Həmçiniun axtarış zamanı Federal Təhlükəsizlik Xidməti və DİN onların silah bazalarını aşkarlayıb.

Piçuqa ilə yanaşı dəstə üzvləri Oqtay Əfəndiyev, Sergey Vanuyto,Aleksey Roxlin, Hədis Əzizov, Əhməd İsayev və Maksim Əbubəkirov tutulublar.

Həmyerlimiz Oqtay Əfəndiyev karate kempo üzrə dünya çempionu olub. Həmçinin boks, tay boks və diğər əlbəyaxa döyüş növləri üzrə Sıtıvkarda tanınmış bir idmançıdır.

İstintaq müəyyən edib ki, Piçuqanın rəqiblərini məhz Oqtay Əfəndiyev və Əhməd İsayev zərərsizləşdirirmiş. (24 saat.org)