Dəb

Məşhur moda evi bağlanır

22 Noyabr 2022 16:30

Belçikalı modelyer Raf Simons “qeyri-adi 27 illik səyahətdən” sonra eyniadlı leyblinin bağlandığını elan edib.

Publika.az xarici mediaya istinadən xəbər verir ki, bu barədə dizayner sosial şəbəkədə məlumat yayıb. O, bildirib ki, Londonda nümayiş olunan 2023-cü ilin yaz-yay kolleksiyası brendin son şousu olub.

“Mən əldə etdiklərimizlə necə fəxr etdiyimi ifadə edə bilmirəm. Komandama, tərəfdaşlarıma, mətbuata, alıcılara, dostlarıma, ailəmə və bütün sadiq pərəstişkarlarımıza davamlı dəstəyə görə minnətdaram. Mənə inandığınız üçün təşəkkür edirəm”, - Simons brendin rəsmi hesabında yazıb.

Qeyd edək ki, indi o, Miuccia Prada ilə birlikdə “Prada”nın yaradıcı direktoru kimi işə davam edəcək.

Xatırladaq ki, moda evi 1995-ci ildə təsis edilib. Dizayner “Jil Sande”, “Dior” və “Calvin Klein” kimi böyük moda evlərində işləyib. Bundan başqa, Raf Simonsun fəaliyyətinin ilk illərində hazırladığı geyimlər çox vaxt hərraca çıxarılır və yenidən yüksək qiymətə satılır.