Dünya
Qadınları bir kişidən başqasına ötürürlər – Nazarbayev hərəkətə keçməyi ƏMR ETDİ
Ötən həftə Qazaxıstan parlamentinin deputatları dini fəaliyyət və dini təşkilatlara aid bəzi qanunverici aktlara dəyişikliklər və əlavələrin edilməsini nəzərdə tutan qanun layihəsi ilə tanış oldu.
Publika.az “Rosbalt” agentliyinə istinadən xəbər verir ki, dəyişikliklər və əlavələr dağıdıcı dini cərəyanlar üçün tipik “atributlar”ın daşınması üçün inzibati məsuliyyətin tətbiqini nəzərdə tutur.
Vətəndaş cəmiyyəti və din işləri üzrə nazir Nurlan Yermekbayev izah edib ki, belə atributlara kişi saqqalı, qısaldılmış şalvar, pərəncə (müsəlman ölkələrində xüsusən, Mərkəzi Asiya və Yaxın Şərqdə xalatı xatırladan və yalançı qolları olan, eləcə də üzü örtmək üçün torcuğu olan qadın üst geyimi –red.) və niqablar (müsəlman qadınlarının geyindiyi və ancaq gözlərin göründüyü geyim –red.) daxildir. Eyni zamanda, nazir təsəlli verdi ki, hər şeydən qorxmaq lazım deyil.
Nazir bildirib ki, hər saqqala görə məsuliyyət nəzərdə tutulmur, həmçinin saqqalın uzunluğu və başqa əlamətlər nəzərə alınacaq.
Söhbət istənilən saqqaldan getmir. Yalnız dağıdıcı dini cərəyanların nümayəndələri məsuliyyətə cəlb ediləcək. Əlbəttə, hökmün çıxarılması üçün “qısaldılmış şalvar” da mühüm amil sayılacaq. Lakin, saqqal saxlayan insan ateistdirsə və hansısa bir ideoloji əlamətlər görünmürsə, o, cəzalandırılmayacaq.
Daha bir yenilik 16 yaşa kimi uşaqlar və yeniyetmələrin dini mərasimlərə buraxılması ilə bağlıdır. Belə tədbirlərə göstərilən yaş kateqoriyasında olan şəxslər valideynlər, yaxın qohumlar və ya onların nümayəndələrinin müşayiəti ilə getməlidir.
Qanun layihəsi həmçinin dini idarələrdən kənar nikah və ya boşanma üzrə dini mərasimlərin keçirilməsini qadağan edir. Bu dəyişiklik onunla bağlıdır ki, dağıdıcı dini cərəyanların nümayəndələri nikah və boşanma barədə qərarı sadə bəyanatla verirlər. Bundan isə qadınlar və uşaqlar əziyyət çəkirlər. Bundan başqa, Yermekbayevin sözlərinə görə, qadınların bir kişidən başqa kişiyə verildiyi hallarına rast gəlinir.
Qeyd edilir ki, dəyişikliklər və əlavələrə dair qanunvericilik təşəbbüsü prezident Nursultan Nazarbayevə aiddir. Bir müddət əvvəl o, Qazaxıstan Müsəlmanlarının Dini İdarəsinin lideri ilə görüşündə bildirib ki, bəzi müsəlmanların qısa şalvar geyinməsi və saqqal saxlaması qazax ənənələrinə uyğun deyil və onları qanunverici səviyyədə qadağan etmək lazımdır. Onun müşahidələrinə görə, tamamilə qara geyimlərə bürünmüş qazaxıstanlı qızların sayı artır. Prezident İngiltərə, Fransa və Rusiyanın təcrübəsinə müraciət etməyi təklif edib. Burada keçmişdə saqqala görə vergi alırdılar.
Siyasi mütəxəssislərin sözlərinə görə, dağıdıcı dini cərəyanlar həqiqətən də Qazaxıstanda güc toplayır. Hakimiyyət qeyri-ənənəvi dini cərəyanların təsirinin güclənməsindən narahatdır.
Ömər Dağlı
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu
-
Region12:41
Özünün dənizə çıxışı yoxdur, başqalarını şirnikləndirir: İrəvan Ər-Riyadda nə təklif edib?
-
Hadisə12:15
Məktəbin həyətində faciəvi şəkildə ölən 10 yaşlı Fərhanın FOTOSU
-
Nida Xəbər 11:43
Prezidentin yüksək vəzifəyə təyin etdiyi Anar Axundov kimdir? - DOSYE
-
Sosial11:12
Aytən Səfərovanın son vəziyyəti AÇIQLANDI
-
Cənubi Qafqaz10:55
Rusiyanın Gümrüdəki hərbi bazasına hücum oldu - DETALLAR
-
Dünya10:15
Bayden İsrailə bu İsrail şəhərinə hücumu qadağan etdi: Rusiya ələ saldı