FTX azərbaycanlı meri və qardaşını həbs etdi
Bizi izləyin
Aptekonline

Dünya

FTX azərbaycanlı meri və qardaşını həbs etdi

FTX azərbaycanlı meri və qardaşını həbs etdi

Rusiyanın Federal Təhlükəsizlik Xidmətinin (FTX) xüsusi təyinatlı dəstəsi Dağıstan Muxtar Respublikasının Dərbənd rayonunun rəhbəri Maqomed Cəlilovu həbs edib.

Publika.az “rf-smi.ru” saytına istinadən xəbər verir ki, o, torpaqların paylanılmasında maxinasiyalara yol verməkdə şübhəli bilinir.

Hüquq-mühafizə orqanlarında mənbə bildirib ki, Cəlilov dindirilmədən sonra saxlanılıb.

Bundan bir neçə saat əvvəl isə onun doğma qardaşı, Dərbənd meşə idarəsinin başçısı, Dərbənd Şəhər Şurasının deputatı Zülfəddin Cəlilov saxlanılıb. Məlumata görə, narkotikləri xatırladan şübhəli maddələrin olduğu çoxsaylı paketlər həbsin səbəbi olub.

Hazırda bütün tapılmış maddələr ekspertizaya göndərilib. Zülfəddin hazırda həbs altındadır, istintaq gedir. Narkotiklərdən başqa, o, maliyyə fırıldaqlarında şübhəli bilinir.

Qeyd edək ki, Maqomed Cəlilov 2015-ci ilin noyabrından Dərbənd rayonuna rəhbərlik edir. O, milliyətcə azərbaycanlıdır.

Ömər Dağlı

Teqlər
Oxumağa davam et
Reklam
Reklam

Gündəm

Aptekonline