Rusiya silahı terrorçular üçün əlçatmaz oldu

Ukrayna-Rusiya sərhədinin bağlanılması əməliyyat faktiki olaraq başa çatıb.

Publika.az-ın “RBK-Ukrayna” xəbərə agentliyinə istinadən verdiyi məlumata görə, bu barədə Ali Radanın sədri Aleksandr Turçinov parlamentin bugünkü iclasında bildirib.

Onunj sözlərinə görə, bundan sonra Rusiya tərəfdən muzdlular və silah-sursatın Ukrayna ərazisinə keçirilməsinin qarşısı alınacaq. Rusiya-Ukrayna sərhəddinin böyük hissəsinə nəzarət etməyən Ukrayna terrorçuların silah-sursatla təminatının qarşısını almaqda çətinlik çəkirdi.

Son olaraq Ukrayna Hərbi-siyasi Tədqiqatlar Mərkəzinin rəhbəri, “İnformasiya müqaviməti” qrupunun koordinatoru Dmitri Tımçuk son bir gündə 2 ədəd “T-64” tankı və beş ədəd BTR-in (zirehli transportyor) Rusiyadan Luqansk vilayətinə daxil olduğunu bildirib. O, həmçinin ən azı 3 ədəd “Qrad” yaylım atəş sisteminin də Ukraynaya keçdiyini qeyd edib.

Hərbi-siyasi Tədqiqatlar Mərkəzinin rəhbəri “facebook” səhifəsində “Doljanski” sərhəd buraxılış məntəqəsi vasitəsilə Rusiyadan Ukraynaya muzdlular və silah axınının davam etdiyini yazıb.

Ömər Dağlı