• USD 1,7000 0,00% EUR 1,8352 0,00%
    • GBP 2,1921 0,00% RUB 0,0265 0,00%

Koronavirus laboratoriyadan yayılıb? - İDDİA

  • Dünya
  • 25 Yanvar 2020 15:05
  • 691 Baxış
Koronavirus laboratoriyadan yayılıb? - İDDİA

Xəbər verdiyimiz kimi, ötən ilin 31 dekabrında Çinin Vuhan şəhərində meydana çıxan koronavirus yüzlərlə adama yoluxub, 41 nəfərin isə ölümünə səbəb olub.

Publika.az xəbər verir ki, iddialara görə, koronavirusun ilk dəfə ortaya çıxdığı Vuhan şəhərində 2017-ci ildə virus laboratoriyası inşa edilib və məlum virus həmin laboratoriyadan yayılıb.

Belə ki, üç il əvvəl laboratoriyanın inşasına qarşı çıxan elm adamları təhlükəni hiss edərək “virusların nəzarətdən çıxıb, laboratoriyadan kənara sızması” barədə xəbərdarlıq edib. Ancaq çinli mikrobioloqlar dünyanın ən böyük bioloji təhdidləri ilə mübarizə aparmaq üçün yetərincə güclü “elit heyət”lərinin olduqlarını bildirərək, xəbərdarlığa məhəl qoymayıblar.

Çin Elmlər Akademiyası və Pekin Patogen Mikrobiologiya və İmmunologiya Laboratoriyasının direktoru Gorg Qao 2017-ci ildə laboratoriyanın “Çin tədqiqatçıları üçün daha çox fürsət təqdim edəcəyini və BSL - 4 səviyyəli patogenlərin dünyaya fayda verəcəyini” söyləyib.

Qeyd edək ki, laboratoriya yanvar ayında Çin Milli Uyğunluq Qiymətləndirməsi Akreditasiya Xidməti (CNAS) tərəfindən BSL-4 standartlarını və meyarlarını qarşıladığı üçün sertifikatlandırılıb və fəaliyyətə başlayıb.

Halal Nemət

Xəbər lenti

DAHA ÇOX XƏBƏR