Harvard ÜST-ün həyati əhəmiyyətli səhvini tutdu - Minlərlə insan XİLAS OLDU

Ümumdünya Səhiyyə Təşkilatının Baş direktoru Tedros Adhanom Qebreyesusun yeni tip koronavirus daşıdığı halda, xəstəliyin simptomlarını göstərməyən – asimptomatik şəxslərdən virusun yoluxmasına dair açıqlamaları geri götürməsinin səbəbi bəlli olub.

Publika.az xəbər verir ki, buna səbəb Harvard Universitetinin elm adamlarının ÜST-ü ictimaiyyətə yanlış informasiya vermək və fikirləri qarışdırmaqla ittiham etməsi olub.

Alimlər bildirib ki, simptomları büruzə verməyən virus daşıyıcılarının başqalarını yoluxdurmasına dair onlarla fakt var.

Sərt reaksiyanın ardınca yenidən açıqlama verən ÜST nümayəndəsi Mariya Van Kerkove yanlış anlaşıldıqlarını dilə gətirib.

Qeyd edək ki, ÜST-ün virusla bağlı texniki briqadasına başçılıq edən Kerkove daha əvvəl verdiyi açıqlamada simptom göstərməyən xəstələrdən COVID-19 xəstəliyinin keçməsinə nadir hallarda rast gəlindiyini demişdi.

Zümrüd

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69