Bu ölkədə HƏYƏCAN TƏBİLİ: Məktəbə hücum edib 100 -dən çox şagirdi...

Silahlı qrup Nigeriyanın şimal-qərbindəki Zamfara əyalətindəki bir məktəbə hücum edərək 100-dən çox şagirdi və bir neçə müəllimi qaçırıb.

Publika.az xəbər verir ki, bu barədə "Nigeriya Blueprint" xəbər portalı hadisə şahidlərinə istinadla məlumat yayıb .

Onların sözlərinə görə, hücum dərs zamanı baş verib.

Nigeriya televiziya kanalı "Kanallar" TV-də Zamfara əyalətinin qubernatoru Bello Matavallenin əyalətdəki bütün ibtidai və orta məktəbləri müvəqqəti olaraq bağlamağı əmr etdiyini bildirib.

Eyni zamanda 13 rayonda saat 18:00-dan 06:00-dək hərəkətə məhdudiyyətlər qoyulub.

Şagirdləri daha çox fidyə üçün ələ keçirmək məqsədi ilə məktəblərə və universitetlərə hücumlar son aylarda Nigeriyada daha tez-tez baş verir.

Bu ilin əvvəlindən bəri ölkənin müxtəlif yerlərində məktəb və universitetlərdən 1000-dən çox adam qaçırılıb.

Yerli hakimiyyət orqanları Nigeriyanın şimalında və ölkənin mərkəzi hissəsində çox sayda məktəbi bağlamaq və şagirdlərini təhsillərini davam etdirmək üçün başqa bölgələrə köçürmək məcburiyyətində qalıb.

Təhsil müəssisələrinin təhlükəsizliyinin təmin edilməsi üçün yeni tədbirlər həyata keçirilir.

Hüseyn