Yetkin nəvəsinə bənzəyən 64 yaşlı nənə gəncliyin SİRRİNİ AÇDI - VİDEO
Bizi izləyin

Dünya

Yetkin nəvəsinə bənzəyən 64 yaşlı nənə gəncliyin SİRRİNİ AÇDI - VİDEO

Yetkin nəvəsi ilə səhv salınan 64 yaşlı avstraliyalı qadın gəncliyin sirrini açıb. O, Yeni il yeməkləri ilə bağlı məsləhətlər də verib.

Publika.az xəbər verir ki, bu barədə "Daily Mail" məlumat yayıb .

Melburndan olan Lesli Maksvell şəxsi məşqçi kimi işləyir və formada qalmaq üçün həftədə beş dəfə məşq edir. O, 49 yaşında müntəzəm fitnes həvəskarı olub və o vaxtdan bəri bikini fitness yarışmalarında 30-a yaxın titul qazanıb. Qadın tez-tez 20 yaşlı nəvəsi ilə idman zalına gedir. İnsanlar vaxtaşırı onlara nənə və nəvədən çox bacı kimi göründüklərini söyləyirlər.

Maksvell bildirib ki, qocalıqda formada qalmaq üçün düzgün qidalanma və müntəzəm idman eyni dərəcədə vacibdir:

"Yeni il yeməkləri ilə bağlı məsləhətim odur ki, daha çox hinduşka və daha az çörək yeyin. Birincisi yaxşı protein, ikincisi zərərli şəkərdir. Mən də sizə daha az şəkərli soda və şərab içməyi məsləhət görərdim, çünki bunlar sadəcə olaraq boş kalorilərdir və nəticədə piylənməyəcəksiniz”, - deyə gənc nənə bildirib.

Bundan əlavə, qadın kalori yandırmaq üçün bayram şam yeməyindən dərhal sonra gəzintiyə çıxmağı məsləhət görür. Maksvell idman fəaliyyətlərini daha əyləncəli etmək üçün onlara rəqabət elementi əlavə etməyi tövsiyə edir:

"Mənim ən yaxşı məsləhətim dostlar və ailə ilə məşq etməkdir".

İdmançı nənə boşandıqdan sonra yaranan depressiyanın öhdəsindən gəlmək üçün 14 il əvvəl fitneslə məşğul olmağa başlayıb. İndi ondan çox gənc olan kişilər tez-tez onu tanımağa çalışırlar ki, bu da qadına həzz verir. O hesab edir ki, insanın yaşı yalnız özünə nə qədər yaxşı baxmasından asılıdır.

"İstənilən yaşda gənc və ya qoca ola bilərsiniz", - deyə Maksvell yekunlaşdırıb.

Hüseyn

Oxumağa davam et
Reklam
Reklam

Gündəm