Böyük Çin səddinin bir hissəsi UÇDU

Şənbə günü Qinghai əyalətində baş verən zəlzələ nəticəsində Böyük Çin Səddinin təxminən iki metr uzunluğunda kiçik bir hissəsi uçub.

Publika.az xəbər verir ki, bu barədə "Global Times" qəzeti məlumatı yayıb.

“Zilzələnin episentrindən 114 kilometr aralıda yerləşən Qansu əyalətinin şimal-qərbindəki Şandan qraflığında Böyük Çin səddinin iki metri uçub”, - nəşr yazıb.

Bildirilir ki, zəlzələdən sonra səlahiyyətlilər mədəniyyət obyektlərinə baxış keçirib və divarda çökmə yeri aşkarlayıblar. Bu yer Min İmperiyası dövrünə (1368-1644) aiddir. Mütəxəssislər lazımi dayaqları quraşdıraraq təmir-bərpa işlərinə başlayıblar.

Avropa Aralıq dənizi Seysmoloji Mərkəzinin (EMSC) məlumatına görə, zəlzələnin maqnitudası 6,3 bal olub. Eyni zamanda, yerli ekspertlər və qəzetlər 6,9 bal olduğunu bildirirlər.

Zəlzələ əhalinin az məskunlaşdığı ərazidə baş verib, lakin təkanları bəzi böyük şəhərlərin sakinləri hiss ediblər.

Zəlzələ nəticəsində 9 nəfər xəsarət alıb, onlardan 8-i artıq xəstəxanadan buraxılıb.

Hüseyn