Dünya

Qazaxıstan ssenarisi Qafqazda təkrarlana bilər? - Rusiyalı ekspertdən AÇIQLAMA

13 Yanvar 2022 09:27

Regionun problemləri hələ həllini tapmasa da, Qazaxıstan ssenarisinin Cənubi Qafqaz ölkələrində təkrarlanması ehtimalı çox azdır.

Publika.az Axar.az xəbər verir ki, bunu rusiyalı siyasi ekspert Nikolay Silayev deyib.

"2020-ci ilin yayından biz Gürcüstanda indi daha kəskin və ya zəif olan siyasi böhranı müşahidə edirik. Amma bu, kütləvi etirazların olduğu Qazaxıstanda gördüyümüzdən tamamilə fərqlidir. Qafqaz ölkələrinin heç birində silahlı iğtişaş ehtimalı yoxdur", - N.Silayev söyləyib.

Ekspert qeyd edib ki, region dövlətləri çox fərqli şəkildə təşkil olunub:

"Ermənistanda siyasi narazılığın ifadə mexanizmləri var. Bu, Gürcüstanda da mövcuddur, baxmayaraq ki, ölkənin siyasi sistemi açıq-aşkar öz işini zəif yerinə yetirir. Azərbaycanda isə buna yanaşmalar daha fərqlidir".