Yeni peyk görüntüləri yayıldı: Rusiya ordusu sərhəddə... - FOTO

Fevralın 20-də çəkilmiş yeni peyk görüntüləri Ukraynanın Rusiya ilə şimal-şərq sərhədi yaxınlığında yerləşən rus qoşunlarının fəallığının artdığını göstərir.

Publika.az xəbər verir ki, bu barədə CNN “Maxar Technologies” özəl peyk şirkətinin məlumatlarına istinadən yazıb.

Bir müddətdir Ukrayna sərhədi yaxınlığında rus qoşunlarının hərəkətini izləyən şirkətin məlumatına görə, “Belqorodun şimal-qərbində və Solota və Valuyki yaxınlığında çoxsaylı yeni zirehli texnika və qoşun yerləşdirmələri var”. Bu ərazilərin sərhəddən təxminən 35 km aralıda yerləşdiyi vurğulanır.src="/storage/files/upload/8af124248b624cab8a22ce2ae4e8552bd2f44d40.jpg" style="width: 891px; height: 623.7px;" class="fr-fic fr-dib fr-fil">

“Bu fəaliyyət əvvəllər müşahidə edilən bölmələrin yerləşdirilməsindən fərqlidir. Son vaxtlara qədər onlar qarnizonlarda, təlim poliqonlarında və ya onların yaxınlığında yerləşirdi. İndi (20 fevral - red.) isə zirehli texnika karvanlarının izləri fərqli yerə aparır” - şirkətdən bildiriblər.

Fotolar göstərir ki, fevralın 13-də mühüm qüvvələrin yerləşdirildiyi düşərgələr və ya məntəqələr demək olar ki, yoxdur. Bəzi hərbi texnika Valuyokdan şərqdə, Ukrayna ilə sərhəddən təxminən 15 km aralıda görüntülənib.