Dünya

Zelenskiyə 3 dəfə sui-qəsd cəhdi olub - İngilis nəşrindən ŞOK

4 Mart 2022 11:00

Ukrayna xüsusi xidmət orqanları rusların planlarını üzə çıxarmağa və cinayətin qarşısını almağa nail olub.

Publika.az xəbər verir ki, Britaniyanın “The Times” qəzeti son 1 həftə ərzində Ukrayna Prezidenti Vladimir Zelenskiyə azı 3 sui-qəsd cəhdinin edildiyini yazıb.

Nəşrin yazdığına görə, Ukrayna liderini öldürmək üçün 2 müxtəlif qrup göndərilib - Kreml yönümlü “Vaqner” qrupunun muzdluları və çeçen xüsusi təyinatlıları. Qəzet yazır ki, hər dəfə sui-qəsd cəhdlərinin qarşısı Ukrayna ilə müharibəyə qarşı çıxan Rusiya xüsusi kəşfiyyatçıları sayəsində alınıb.

Kiyevdəki “Vaqner” muzdluları xeyli itki verib. Qrupa yaxın mənbə bildirib ki, Zelenskinin təhlükəsizlik xidmətinin məlumatlılığı onlar üçün “ürpədici” olub. Həmçinin, şənbə günü Kiyevin kənarında çeçen muzdlulardan ibarət qrup məhv edilib və növbəti sui-qəsdin qarşısı alınıb.