Dünya

Kiyev vilayətində komendant saatı tətbiq edildi

9 Mart 2022 22:31

Kiyev vilayətində martın 9-u axşam saat 20:00-dan 10-u səhər saat 07:00-dək komendant saatı tətbiq edilib.

Publika.az "Украинская Правда"ya istinadla xəbər verir ki, Kiyev Hərbi Regional Administrasiyasının saytı komendant rəisi Aleksiy Kulebaya istinadla məlumat dərc edib.

"Biz Ukrayna və doğma evlərimiz uğrunda mübarizəmizi davam etdiririk. Kiyev vilayətinin icmalarında şiddətli döyüşlər gedir. Sizdən komendant saatına anlayışla yanaşmanızı xahiş edirəm. Bu cür tədbirlər ilk növbədə insanların təhlükəsizliyi üçün lazımdır", - Kuleba müraciət edib.

Hazırda hərbi komandirin xüsusi icazəsi və şəxsiyyət vəsiqəsi olmadan küçədə olmaq qadağandır.

Patrulun qanunu pozanları dayandırmaq və şəxsin icazəsiz niyə küçədə olduğunu öyrənmək hüququ var.

Onlar həmçinin günün mövzusu ilə bağlı bütün sakinləri işıqdan maskalanma rejiminə əməl etməyə çağırıblar: pəncərələrin pərdələrini salın, küçə işıqlarını söndürün və evlərdə daxili işığı minimuma endirin.