Məşhur rus aparıcı “Müharibəyə yox!” deyən redaktordan danışdı - VİDEO

Xəbər verdiyimiz kimi, ötən gün Rusiyanın “Birinci kanal”ının canlı efirində Ukraynadakı müharibəyə etiraz edilib. Belə ki, telekanalın əməkdaşı, “Vremya” proqramının redaktoru Marina Ovsyannikova xəbərlər proqramı gedən anda əlində plakat tutaraq studiyaya daxil olub. O, üstündə “Müharibəyə yox! Müharibəni dayandırın. Təbliğatlara inanmayın. Burada sizə yalan danışırlar!” yazılan plakatla efirdə bir neçə saniyə görünüb.

Publika.az">Publika.az xəbər verir ki, hadisədən sonra proqramın aparıcısı Yekaterina Andreyeva İnstaqramda baş verənləri şərh edib.

O, kadrda kənar şəxsin olmasına niyə cavab vermədiyini açıqlayıb: “Nə olmasından asılı olmayaraq, qaya kimi dayan. Mən belə dözümlülüyü haradan alıram? Bu gün ona ehtiyacım var idi - Yoqadan” - aparıcı qeyd edib.

Hadisədən sonra Marina Ovsyannikova polis tərəfindən aparılıb. Jurnalistin yeri hələlik məlum deyil. TASS-ın məlumatına görə, Rusiya İstintaq Komitəsi Ovsyannikovaya qarşı istintaqdan əvvəlki yoxlamaya başlayıb. Mətbuatın yazdığına görə, o, 15 ilə qədər həbs cəzasına məhkum edilə bilər.