Ukraynada bu cür dövlət modeli yaratmaq istəyirik - Moskva

Kiyev danışıqlarda Ukraynada öz ordusu ilə silahsızlaşdırılmış dövlətin Avstriya və ya İsveç variantını yaratmağı təklif edir.

Publika.az">Publika.az xəbər verir ki, bunu Rusiya nümayəndə heyətinin rəhbəri, Rusiya Prezidentinin köməkçisi Vladimir Medinski deyib.

“Ukraynanın neytral statusunun qorunub saxlanılması və inkişafı, Ukraynanın demilitarizasiyası - Ukrayna ordusunun miqyası ilə bağlı bir sıra məsələlər müzakirə olunur. Ukrayna neytral silahsızlaşdırılmış dövlətin Avstriya, İsveç versiyasını təklif edir, lakin eyni zamanda öz ordusu və dəniz qüvvələrinə malik olan dövlət təklif edir. Bütün bu məsələlər Rusiya və Ukraynanın müdafiə nazirliklərinin rəhbərləri səviyyəsində müzakirə olunur”, - Medinski bildirib.

Rusiya nümayəndə heyətinin rəhbəri qeyd edib ki, Ukrayna indi də neytral statusa malikdir: “Məhz neytrallıq şərti ilə Ukrayna 1991-ci ildə Sovet İttifaqından çıxdı və bu neytrallıq Ukraynanın Suverenlik Bəyannaməsində yazılıb”.

“Əlbəttə, bizim üçün əsas məsələ Krımın və Donbasın statusu, o cümlədən denazifikasiya, rusdilli əhalinin hüquqları və rus dilinin statusu, eləcə də bir sıra humanitar məsələlərdir” - Medinski əlavə edib.