Dünya

Azərbaycandakı fransızlar onu seçdi

13 Aprel 2022 17:34

Fransa prezident seçkilərinin Bakıdakı seçki məntəqəsində səs vermiş Fransa vətəndaşlarının çoxu Emmanuel Makronu yenidən Fransa prezidenti kimi görmək istəyir.

Publika.az Fransanın Azərbaycandakı səfirliyinə istinadən xəbər verir ki, Bakıda yaradılmış seçki məntəqəsində 34 nəfər (34,34%) Makronu dəstəkləyir.

Seçicilər Jan-Lyuk Melanşoya 25 səs (25,25%), Erik Zemmura 10 səs (10,10%) verib. Makronun əsas rəqibi, “Milli Birlik” partiyasının lideri Marin Le Penə 8 nəfər (8,08%) toplayıb.

Məntəqədə qeydə alınmış 189 nəfərdən 101-i seçkilərdə iştirak edib. İki seçicinin səsi etibarsız hesab olunub.

Xatırladaq ki, Fransada prezident seçkilərinin birinci turu aprelin 10-u baş tutub.

Seçici bülletenlərinin 100%-nin hesablanmasından sonra Emmanuel Makron ilk turda seçicilərin 27,84%-nin səsini toplamağı bacarıb. İkinci yerdə 23,15% səslə Marin Le Pen qərarlaşıb.