Dünya

Türkiyə terrorçulara qarşı yeni əməliyyat başlatdı

17 Aprel 2022 15:38

Türkiyə Daxili İşlər Nazirliyi tərəfindən 650 personalın iştirakı ilə Diyarbəkirdə "Blokada-1" Baş Çavuş Kadir Aydın əməliyyatına start verilib.

Publika.az xəbər verir ki, bu barədə Türkiyə DİN məlumat yayıb.

"Əməliyyat PKK terror təşkilatını ölkə gündəmindən çıxarmaq və terrorçuları zərərsizləşdirmək məqsədilə başladılıb. Əməliyyatlarda Diyarbəkir Rayon Jandarma Komandirliyi ilə yanaşı, Jandarma Xüsusi Əməliyyatlar (JÖH), Polis Xüsusi Əməliyyatlar (PÖH) və Jandarma Komando qruplarından ibarət 650 şəxsi heyət, 42 əməliyyat qrupu iştirak edir. Ölkədə terrorun kökünü tamamilə kəsmək üçün həyata keçirilən Blokada Əməliyyatları xalqımızın dəstəyi ilə qətiyyətlə davam edir" - məlumatda deyilir.

Milli Müdafiə Nazirliyindən verilən açıqlamada qeyd edilib ki, " "Sülh çeşməsi" bölgəsində təxribata cəhd edən, əraziyə sızmağa cəhd edən 13 PKK/YPG terrorçusu Türkiyə Silahlı Qüvvələri tərəfindən zərərsizləşdirilib".