Dünya

Britaniya Ukraynaya əlavə 1,6 milyard dollar hərbi yardım verəcək

8 May 2022 04:30

Böyük Britaniya Ukraynaya daha 1,3 milyard funt-sterlinq (1,6 milyard dollar) hərbi yardım verəcək.

Publika.az "Reuters"ə istinadla xəbər verir ki, bu barədə hökumətin bəyanatında deyilir.

Qeyd olunur ki, Ukrayna üçün əlavə xərclər hökumətin fövqəladə hallar üçün istifadə etdiyi ehtiyatdan ayrılacaq.

Hökumət həmçinin bildirib ki, mayın sonunda baş nazir Boris Conson Ukraynada müharibənin yaratdığı artan tələbata cavab olaraq istehsalın artırılması üçün aparıcı müdafiə şirkətləri ilə görüş keçirəcək.

Yeni öhdəlik Böyük Britaniyanın Ukraynaya əvvəlki xərclərindən demək olar ki, iki dəfə çoxdur. Hökumətin məlumatına görə, bu, İraq və Əfqanıstandakı münaqişələrdən sonra hərbi ödənişlərin ən yüksək səviyyəsidir.