Rəisi Xodainin intiqamını alacağına SÖZ VERDİ

İran hakimiyyəti İslam İnqilabı Keşikçiləri Korpusunun (İran Silahlı Qüvvələrinin elit bölmələri - red.) polkovniki Həsən Sayad Xodainin qisasını alacaq.

Publika.az">Publika.az xəbər verir ki, bunu İran Prezidenti İbrahim Rəisi deyib.

Siyasətçinin çıxışı İran dövlət televiziyası tərəfindən yayımlanıb. “Polkovnik Sayad Xodainin şəhadəti ilə bağlı başsağlığı verirəm” deyən İran lideri qeyd edib ki, təhlükəsizlik qüvvələri ciddi araşdırma aparacaq və qəhrəmanın qisası cinayətkarlardan alınacaq.

Xatırladaq ki, mayın 22-də naməlum şəxslər Tehranın şərqindəki xiyabanlardan birində evinə gedən Sayad Xodainin avtomobilinə atəş açıb. Hücumda motosikletdə olan iki nəfər olub. Hücumçular İran İnqilabı Keşikçiləri Korpusunun zabitinə beş dəfə atəş açıblar.

İnqilab Keşikçiləri Korpusunun zabitinin qətli mayın 22-də məlum olub. SEPAH polkovniki Xodainin Tehrandakı evinin qarşısında hücuma məruz qaldığı bildirilir. Motosikletli iki şəxs ona atəş açıb və sonra hadisə yerindən qaçıblar. SEPAH baş verənləri terror aktı adlandırıb. Hücum edənlər hələ də azadlıqdadır və hüquq-mühafizə orqanları onları axtarır.

Xatırladaq ki, 2020-ci ilin yanvarında Bağdadda ABŞ-ın raket hücumu zamanı iranlı general, SEPAH-ın elit Qüds bölməsinin komandiri Qasim Süleymani öldürülüb. Onunla birlikdə onu müşayiət edən bir neçə zabit və İraq şiə milislərinin komandir müavini Əbu Mehdi əl-Mühəndis öldürülüb.