Dünya

Yeltsinin kürəkəni Putinin müşaviri postundan İSTEFA VERDİ - FOTO

30 May 2022 23:49

Vladimir Putinin hakimiyyətə gəlməsinə kömək edən keçmiş Rusiya lideri Boris Yeltsinin kürəkəni Valentin Yumaşev Kremlin müşaviri vəzifəsindən istefa verib,

Publika.az">Publika.az xəbər verir ki, bu barədə "Reuters"ə Yumaşevin qərarı ilə tanış olan iki şəxs məlumat verib.

Yumaşev Putinin qərar qəbul etməsinə məhdud təsirə malik olan ödənişsiz məsləhətçi idi, lakin onun gedişi Putin administrasiyasında Yeltsin hakimiyyəti ilə, liberal islahatlar dövrü və Rusiyanın Qərbə açılma dövrü ilə son əlaqələrdən birini aradan qaldırır.

Xatırladaq ki, mart ayında Yeltsin dövrünün digər yüksək vəzifəli siması Anatoli Çubays Kremlin xüsusi nümayəndəsi vəzifəsini tərk edib.

Bu ay Rusiyanın BMT-dəki missiyasındakı diplomatlardan biri də Ukraynadakı müharibəyə görə istefa verib.