Dünya

Etirazçılar hücum etdi, prezident qaçdı – Bu ölkədə xaos yaşanır

9 İyul 2022 15:13

Şri-Lankada kütləvi iğtişaşlar başlayıb.

Publika.az xəbər verir ki, insanlar sosial problemlərə etiraz olaraq küçələrə axışıb.

Pandemiyadan sonra turist axını azalan ada ölkəsində iqtisadi böhran yaranıb. Xüsusilə inflyasiya pik həddə çatıb. Hakimiyyət elektrik enerjisinə qənaət etmək və “kəmərləri sıxmaq” siyasətini tətbiq edir. Əhali bu addımlarla razılaşmır.

Etirazçılar bu gün səhər saatlarında prezidentin iqamətgahına daxil olublar. Lakin prezident Qotabaya Rajapaska hücumdan öncə iqamətgahını tərk edə bilib. Qarşıdurmada 32 nəfər yaralanıb.

“NewsFirst” portalının məlumatına görə, prezident ölkədən qaçıb.

Şri-Lankanın baş naziri Ranil Vikramasinqe prezidentin iştirakı olmadan fövqəladə iclas çağırıb. Müxalifət isə bu iclası boykot edib.

Hazırda qarşıdurma davam edir.

Asif