Hamiləliyi pozuldu, ölümcül xəstəlikdən xilas oldu

Şotlandiyada bir qadın uğursuz hamiləlik keçirdikdən dərhal sonra xərçəng olduğunu öyrənib.

Publika.az xəbər verir ki, 35 yaşlı vizajist Laura Strathearn 2020-ci ilin sentyabrında hamilə qalıb. Hamiləliyin 12-ci həftəsində ultrasəs müayinəsinə gedib, dölün ürək döyüntüsünün olmadığı deyilib. Bir neçə gündən sonra Lauranın uşağı düşüb. Daha sonra sağalmaq üçün məzuniyyətə çıxıb.

O, istirahət edərkən sağ döşündə mavi damar görüb və bunun hamiləliyin nəticəsi olduğuna qərar verib. Bir az gözlədikdən sonra Laura yenə də həkimə müraciət etdi və onu süd vəziləri xəstəliklərinin müalicəsi üzrə ixtisaslaşmış klinikaya yönləndiriblər. Ondan süd vəzisinin ultrasəs müayinəsi tələb olunub, bundan sonra xəstədə döş xərçəngi olduğundan şübhələniblər. Sonrakı müayinələr şübhəni təsdiqləyib və xərçəngin limfa düyünlərinə yayıldığını göstərib.

Şiş çox böyük olduğundan onu dərhal əməliyyat etmək mümkün deyildi. Strathernə kimyaterapiya kursu təyin olunub, bundan sonra şişin qalıqları cərrahi yolla çıxarılıb. “Bu, xərçəngin üçüncü mərhələsi idi. Həkimlər dedilər ki, doğulmamış uşağım məni xilas edib, ona minnətdar olmalıyam", - Laura deyib.

Aydan