Ötən il 45 jurnalist öldürülüb – 2022-ci ildə isə...

Mərkəzi, Avstriyanın paytaxtı Vyanada olan Beynəlxalq Media İnstitutu 2022-ci ildə peşə fəaliyyətinə görə öldürülən mətbuat mənsublarına dair məlumat yayıb.

Publika.az xəbər verir ki. açıqlamada 2021-ci ildə öldürülən jurnalistlərin sayının 45 olduğunu, bu il isə 66-ya yüksəldiyi bildirilərək, həyəcanverici artıma diqqət çəkilib.

Rusiya-Ukrayna müharibəsini izləyən 9 mətbuat mənsubunun , Meksikada isə bu il 14 jurnalistin öldürüldüyü bildirilir.

Açıqlamada, “Əl-Cəzirə” telekanalının təcrübəli qadın müxbiri Şirin Əbu Akilenin 2022-ci ilin may ayında İordan çayının qərb sahilində İsrail qüvvələri tərəfindən həyata keçirilən əməliyyatda öldürülməsi, ilin ən qorxulu hadisəsi kimi qeyd edilib.

"Dövlətlərin jurnalistlərə qarşı hücumlarda ədaləti təmin etməməsi mətbuata qarşı zorakılıq üçün münbit zəmin yaradır. IPI bütün dünyadakı hakimiyyət orqanlarını cəzasızlığa son qoyulmasını və jurnalistlərin müdafiəsini təmin etməyə çağırır.

Təşkilatın, qətlə yetirilən jurnalistlərlə bağlı hesabat və araşdırmalar apardığı qeyd edilərək, media mənsublarına qarşı zorakılığın qlobal problem olduğu, günahkarların cəzasız qaldığı vurğulanıb.

Ayşən