Bu ölkə ABŞ-ın təklifini rədd etdi - Rusiya silahlarını Ukraynaya verməyəcək

Qustavo Petro vurğulayıb ki, bu münaqişədə Rusiya silahları ölkədə istifadə olunmayacaq.

Kolumbiya prezidenti Qustavo Petro çərşənbə axşamı Vaşinqton Boqota ilə Rusiya istehsalı olan silahların Kiyevə təhvil verilməsi məsələsini müzakirə edib.

Publika.az xəbər verir ki, dövlət başçısının sözlərinə görə, respublika ABŞ-ın bu təklifini nəzərə almır.

“Söhbətlərin birində general Riçardson və ABŞ-ın digər nümayəndələri mənə dedilər ki, Rusiya silahlarını aktiv saxlamaq mümkün olmadığına görə, Kolumbiya bunu edəcək və onu Ukraynaya göndərəcək”, - o deyib.

Petronun sözlərinə görə, hazırda Kolumbiyanın ixtiyarında olan Rusiya avadanlıqları bərbad vəziyyətdədir, çünki onu saxlamaq imkanı yoxdur. "Biz tərəf tutmuruq. Biz sülhün tərəfindəyik. Ona görə də bizim ərazimizdə hansı vəziyyətdə olursa olsun, bir dənə də olsun Rusiya texnikası bu münaqişədə istifadə olunmayacaq", - o əlavə edib.

Petro qeyd edib ki, o, Buenos-Ayresdə keçirilən Latın Amerikası və Karib Hövzəsi Dövlətləri Birliyinin (CELAC) sammitində Ukrayna mövzusunu qaldırıb. “Latın Amerikası hansı blokun qalacağına – NATO və ya Rusiyaya mərc etmək əvəzinə sülh tələb etməlidir”, o deyib. Eyni zamanda o, “hərbi təcavüzdən narahat olduğunu” vurğulayıb.

Bir müddət əvvəl ABŞ-ın Cənub Komandanlığının rəhbəri general Laura Riçardson Venesuela, Kuba, Nikaraqua və daha 6 Latın Amerikası ölkəsinin Rusiya silahlarına sahib olduğunu və ABŞ-ın “bu ölkələr istəsə, bu rus silahlarını Amerika silahları ilə əvəz etməyə çalışır” demişdi.

Ayşən