Daha çox adam və texnika: Rusiya yeni hücuma hazırlaşır

Ukrayna prezidenti Vladimir Zelenski xalqa müraciəti zamanı bəyan edib ki, Rusiya yeni hücuma hazırlaşır. Müharibəyə daha çox adam və texnika cəlb etmək istəyir.

Publika.az xəbər verir ki, Zelenski dünyanı Ukrayna ilə əməkdaşlığı sürətləndirməyə çağırıb: “Rusiya səfərbər edə biləcəyi qüvvələrlə yeni hücuma hazırlaşır. İşğalçılar artıq bəzi istiqamətlərdə təzəyiqlərini artırırlar. Onlar təzyiqi daha geniş miqyasda artırmaq istəyirlər. Dünya indi Ukrayna ilə əməkdaşlığını sürətləndirməlidir. Bu, Rusiyanın cinayət əməllərinin mümkün qədər qarşısını alacaq”.

Ukrayna prezidenti Fransa prezidenti Emmanuel Makron və Finlandiya prezidenti Sauili Niinistonun paytaxt Kiyevə səfərini də dəyərləndirib.

Zelenski bu səfərlə bağlı açıqlamasında bildirib ki, Finlandiyadan müdafiə də daxil olmaqla, yeni dəstək paketi gəlib.

“Rusiyaya qarşı sanksiyaları gücləndirmək və diplomatik təşəbbüslərimizdə iştirak etmək istəyi var. Avropa və Avro-Atlantika insitutları çərçivəsində əməkdaşlıq etmək üçün bu ildən ölkələrimizin xeyrinə necə istifadə edə biləcəyimizə dair baxışımız var”,- Zelenski diqqətə çatdırıb.

Ayşən