Hindistanda müsəlman tələbələri həbs etdilər: Bu filmə baxdıqlarına görə

Hindistanda baş nazir Narendra Modi haqqında BBC-in sənədli filmini izləyən tələbələrin həbsinə başlanılıb.

Publika.az xəbər verir ki, bu barədə “Foreign Policy” yazır.

Nəşr bildirir ki, əsasən müsəlmanlar olan tələbələr Cəvahirləl Nehru Universitetində, eləcə də Yeni Dehli Milli İslam Universitetində təhsil alırlar.

Qeyd olunur ki, yerli hakimiyyət filmin nümayişinin qarşısını almaq üçün şəhərin təhsil müəssisələrinin yerləşdiyi məhəllələrdə elektrik enerjisini qəsdən kəsib.

Hindistan hakimiyyəti tərəfindən qadağan edilən "Hindistan: Modi sualı" adlı sənədli film onun 2002-ci ildə müsəlmanlarla hindlilər arasında dini toqquşmaların yatırılmasındakı iştirakına toxunur. O zaman Modi Qucarat ştatının rəhbəri olub.

2002-ci ilin fevralında hindu icması və zəvvarlar, müsəlmanları 58 nəfərin ölümünə səbəb olan sərnişin qatarını qəsdən yandırmaqda günahlandırdılar və Qucarati əyalətinin Əhmədabad şəhərinin müsəlman anklavlarına qarşı qırğınlara başladılar .

“Foreign Policy” Modinin daha sonra hindyönlü mövqe tutduğunu göstərir.

2020-ci ilin fevralında 18 nəfərin ölümü ilə nəticələnən bir sıra dini qırğınlar baş verib.

Ayşən