Cənubi Koreyada təhlükəsizlik şurası toplaşdı: Şimali Koreya sanksiyalarla hədələndi

Cənubi Koreya hakimiyyəti Şimali Koreyanın uzaqmənzilli ballistik raket buraxmasını kəskin şəkildə pisləyib.

Publika.az xəbər verir ki, bu barədə "Yonhap" agentliyi məlumat yayıb.

Ölkə prezidentinin ofisi raketin buraxılmasını “BMT Təhlükəsizlik Şurasının qətnamələrinin kobud şəkildə pozulması və Koreya yarımadasında gərginliyin artmasına səbəb olan ciddi təxribat” adlandırıb.

Cənubi Koreya prezidenti Yoon Seok-yeol Şimali Koreyanın uzaqmənzilli ballistik raket buraxması xəbərindən sonra ölkənin Təhlükəsizlik Şurasının təcili iclasını çağırıb. Prezident Aparatının məlumatına görə, Təhlükəsizlik Şurasının üzvləri Pxenyanın hərəkətlərinə cavab olaraq onu “sərt sanksiyalarla” hədələyiblər . Onlar həmçinin Koreya, ABŞ və Yaponiya arasında təhlükəsizlik sahəsində əməkdaşlığı gücləndirmək qərarına gəliblər .

Bundan əvvəl Yaponiyanın baş naziri Fumio Kişida Şimali Koreyanın atdığı ballistik raketin ölkənin eksklüziv iqtisadi zonasına düşdüyünü təsdiqləyib .

Müdafiə naziri Yasukazu Hamada bildirib ki, Şimali Koreya tərəfindən buraxılan ICBM ABŞ materikinə çata bilərdi.

Ayşən