Bu təlim bərpa olunur - "Güc yolu ilə sülh" əldə etmək üçün

Cənubi Koreya və ABŞ son 5 ildə ilk dəfə irimiqyaslı amfibiya təlimləri keçirəcək.

Publika.az xəbər verir ki, bu barədə Cənubi Koreya Hərbi Dəniz Qüvvələri məlumat yayıb.

Ssangyong təlimləri martın 20-də başlayacaq. Təlim 2018-ci ildən bəri ilk dəfə keçirilir. Bu dəfə onlarda iştirak etmək üçün desant qüvvələri, 30 gəmi, o cümlədən müttəfiqlərin hücum gəmiləri, F-35B qırıcıları da daxil olmaqla 70 təyyarə, AH-64 Apache hücum helikopterləri və 50-yə yaxın desant maşınından istifadə olunacaq. Fövqəladə hallar, minalardan təmizləmə, quruda təhlükə elementlərinin aradan qaldırılması, eniş meydançalarında yanğına dəstək, havadan və dənizdən eniş əməliyyatlarının aparılması ssenariləri işlənəcək.

Qarşıdan gələn təlim Cənubi Koreya-Amerika ittifaqının "güc yolu ilə sülh" əldə etmək iradəsini nümayiş etdirəcək və biz Cənubi Koreyanı müdafiə etmək üçün vahid müdafiə mövqeyini daha da gücləndirəcəyik", - Cənubi Koreya Dəniz Piyadaları Korpusu bildirib.

Təlimdə ilk dəfə olaraq 40-a yaxın Britaniya dəniz piyadasının da iştirak edəcəyi, Avstraliya, Fransa və Filippin personalının müşahidəçi qismində iştirak edəcəyi bildirilir.

Ayşən