Marketdə sizi tanımasalar, heç nə ala bilməyəcəksiniz - YENİLİK

Yaponiyada üztanınması texnologiyasından istifadə etməklə malların ödənişi həyata keçirilib.

Publika.az xəbər verir ki, bu barədə "NHK" yayım şirkəti məlumat yayıb.

Qeyri-adi eksperimentə Şibuya metropolitenində yerləşən kiçik bir mağazada rast gəlinib. Onlar ərzaq və ilkin tələbat malları satırlar.

Bu qeyri-adi ödəniş üsuluna çıxış əldə etmək üçün alıcı qabaqcadan öz üzünün şəklini smartfonunda qeydiyyatdan keçirməli və onu nağdsız ödəniş xidmətinə bağlamalıdır.

Mağazada xüsusi özünəxidmət terminalları var. Müştəri məhsulun ştrix kodunu oxucuya gətirir, bundan sonra kamera onun üzünü tanıyır və cihaz hesabdan tələb olunan məbləği çıxarır. Hər şey çox tez baş verir. Yenilik sayəsində təkcə əskinaslar deyil, bank kartları da prosesdən çıxarılıb.

Mağazada heç bir satıcı yoxdur. Təşkilatçıların fikrincə, əmək bazarında işçi qüvvəsinin olmaması səbəbindən inkişaf uğurlu olacaq. Texnologiyanın ilk növbədə marketlərdə tətbiq ediləcəyi gözlənilir. İdeya müəllifləri üz tanınmasının dəqiqliyini təkmilləşdirməli olacaqlar. Bu da hesablaşma əməliyyatlarının aparılması zamanı mümkün uğursuzluqları aradan qaldırmalıdır.

Ayşən