Dünya

Rusiyalı rəssama görə mükafatdan imtina etdi

18 Aprel 2023 17:45

Ukraynalı illüstrator Sergey Maydukov "Erix Mariya Remark Sülh Mükafatı"ndan imtina edib.

Publika.az xəbər verir ki, bu barədə mükafatın təşkilatçıları məlumat yayıb. Buna səbəb bu ilin laureatının rusiyalı illüstrator Lyudmila Ulitskayanın olmasıdır. Xüsusi mükafat isə Maydukova verilib.

Rəssam, münsiflər heyətinə onun lehinə seçim etdiklərinə görə təşəkkür edib, eyni zamanda, bildirib ki, iyunun 22-də Almaniyanın Osnabruk şəhərində keçiriləcək mükafatlandırma mərasimində iştirak edə bilməyəcək.

“Bu günlərdə psixikama diqqət yetirirəm və ağır olan hisslərdən qaçıram. Hələlik həyatımda kifayət qədər rusun varlığı var, ona görə də mərasimin olmayacağı başqa bir gündə gəlmək istəyərdim. Mən gəlib sizinlə və komanda ilə canlı tanış olmaqdan və təşəkkürümü bildirməkdən şərəf duyardım”, - deyə Maydukov bildirib.

Daha sonra sənətçi fikrini dəyişərək, mükfatı almaq üçün getməyəcəyini, səfər üçün nəzərdə tutulmuş pulu Ukrayna Silahlı Qüvvələrinə köçürəcəyini bildirib.

Ayşən