Dünya

Britaniya Kəşfiyyatı Rusiyanın gizli planlarını faş etdi

3 May 2023 12:16

Rusiya tərəfindən Ukraynanın enerji infrastrukturuna son raket zərbələri onların hərbi, sənaye və logistika hədəflərinə qarşı da hücumlara keçəcəyinin göstəricisi ola bilər.

Publika.az xəbər verir ki, bu barədə Britaniya Müdafiə Nazirliyinin kəşfiyyat icmalında deyilir.

Son zərbələr Tu-95 və Tu-160 strateji bombardmançı təyyarələri tərəfindən Kh-101 və Kh-555 raketlərindən istifadə edilərək həyata keçirilib.

İcmalda deyilir ki, hər iki zərbədə əvvəlki hücumlarla müqayisədə daha az raket atılıb, bu, ehtimal ki, Rusiyanın qanadlı raketlər ehtiyatını artırmaq cəhdlərinin göstəricisidir.

"Rusiyanın zərbələri ilə vurulan hədəflərin müşahidə edilən növləri Ukraynanın enerji infrastrukturunu hədəfə almaqdan mümkün dəyişikliyin göstəricisidir. Son zərbələr, çox güman ki, Ukraynanın hərbi, sənaye və logistika infrastrukturuna yönələcək", - icmalda qeyd edilir.

Ayşən