Ən böyük arzuya arıqlamaqla çatdılar: 120 kilodan keçdilər

İrlandiyanın Dublin şəhərindən olan Kayri və Karl Doran cütlüyü ömürlük valideyn olmaq arzusunu həyata keçirmək üçün 130 kiloqram arıqlayıblar.

Publika.az xəbər verir ki, bu barədə “Daily Mirror” məlumat yayıb.

Təxminən 130 kiloqram çəkisi olan 29 yaşlı Kairi Doran qeyd edir ki, bədəndəki hormonal balanssızlıq səbəbindən kökəlib.

Onun səhhətində bir çox problemlər var idi: polikistik yumurtalıq sindromu, endometrioz və tiroid bezinin pozulması. Onun əri də piylənmədən əziyyət çəkirdi və təxminən 160 kiloqram çəkisi vardı.

Onların həyatına dönüş nöqtəsi uşaq sahibi olmaq istədikləri zaman gəldi. Hamilə qalmaq üçün bir neçə uğursuz cəhddən sonra cütlük həkimlərin yanına gedib. Kairinin sözlərinə görə, həkimlər onu ciddi qəbul etməyiblər və deyiblər ki, müayinə və müalicədən əvvəl arıqlamaq lazımdır. Bundan sonra nəyin bahasına olursa olsun arıqlamaq qərarına gəliblər.

Kairi, mədənin həcminin azaldıldığı cərrahi əməliyyat olan qol qastroplastikasına qərar verib. Altı aydan sonra qadın 60 kiloqramdan çox arıqlamağı bacarıb.

Həyat yoldaşının nailiyyətləri Karlı heyran etdi və o, ondan nümunə götürdü. Əməliyyatdan sonra onun çəkisi də 60 kiloqram azalıb.

Arıqlamaq həyat yoldaşlarına sağlamlıq problemlərindən qurtulmağa kömək etdi. İndi onlar düzgün bəslənməyə riayət edirlər və valideyn olmağı səbirsizliklə gözləyirlər.

Aydan