Bu ölkədən aslan fermaları ilə bağlı QƏRAR

Cənubi Afrika hökuməti ov üçün şirlərin yetişdirilməsini mərhələli şəkildə dayandırmaq niyyətini açıqlayıb.

Publika.az xəbər verir ki, şirlərin yetişdirilməsi praktikası uzun müddətdir ki, təbiəti mühafizə və heyvan hüquqları qrupları tərəfindən şiddətlə tənqid edilir.

Şirlər ovçuluq, əhliləşdirmə və nümayiş üçün fermalarda yetişdirilir və ya sümükləri üçün kəsilərək Cənub-Şərqi Asiyaya ixrac edilir.

Cənubi Afrika hökuməti sənayenin vəhşi təbiətin qorunması və safarilər ətrafında cəmləşən turizm sənayesinin sarsılacağından qorxur. Ona görə də iki min adamın işlədiyi bir sənayeyə çox ziyan vurmamaq üçün ilkin olaraq könüllük əsasında bu sənayeni bitirmək istəyirlər.

Cənubi Afrika hökuməti artıq 2021-ci ildə ov üçün aslan yetişdirilməsini qadağan etmək niyyətini elan edib və son iki il ərzində bu məsələ üzərində işləyib.

Onların saxlanma şəraitini mütəmadi olaraq pisləyən heyvan hüquqları qruplarının hesablamalarına görə, Cənubi Afrikada təxminən 350 fermada 8-12 min arasında şir saxlanılır.

Roza