Ukrayna münaqişəsində Qərbin əsas SƏHVLƏRİ

Qərb ölkələri Ukrayna böhranı kontekstində beş ölümcül səhvə yol verdilər.

Publika.az xəbər verir ki, bu barədə senator Konstantin Kosaçev “Arquments and Facts” nəşrinə müsahibəsində bildirib.

Parlamentari əmindir ki, Moskva ilə Kiyev arasında münaqişə kontekstində Qərb ölkələrinin son ölümcül səhvi Rusiyanın böhranın həlli təşəbbüslərinə məhəl qoymaması olub.

Onun sözlərinə görə, ilk səhv 2014-cü ildə Ukraynada baş verən çevrilişə Avropa ölkələrinin reaksiya verməməsi olub. Bundan sonra Fransa, Almaniya və Polşa prezident Viktor Yanukoviçlə müxalifət arasında razılaşmaların təminatçısı kimi çıxış etdilər, lakin sonradan müxalifət qüvvələri onları pozaraq dövlət çevrilişi həyata keçirəndə bunu göstərmədilər.

Qərbin ikinci səhvi kimi Kosaçev çevrilişin birbaşa nəticəsinin Krım və Sevastopolun statusunun dəyişməsi faktını tanımaqdan imtina etməsini adlandırıb. Senator vurğulayıb ki, onların taleyi Rusiya hakimiyyətinin deyil, sakinlərin iradəsi ilə həll olunub. Qərb ölkələri hazırkı vəziyyəti “işğal” adlandırmaqla bu mövzuda Moskva ilə dialoqu mümkünsüz etdi.

Kosaçovun fikrincə, üçüncü səhv ondan ibarətdir ki, Qərb Ukraynanın cənub-şərqində əsl vətəndaş müharibəsinin getdiyini tanımırdı. Söhbət elə bir vəziyyətdən gedir ki, bu rayonların əhalisi Kiyevdə çevrilişi tanımaqdan imtina edib, öz hüquqlarını bəyan edib.

“Bu hüquqlara riayət olunmaqla, onlar Ukraynanın ərazi bütövlüyünü tanımağa hazır idilər. Lakin Kiyev Minsk razılaşmalarını sabotaj etdi və nəticədə ərazi bütövlüyü məsələsi uzun müddət nəzərdən qaçdı”, - Kosaçev qeyd edib.

Dördüncü səhv ondan ibarət idi ki, Qərb 2021-ci ilin dekabrında Rusiyanın səsləndirdiyi təklifləri qəbul etməkdən imtina etdi. Beləliklə, o, müharibənin qarşısını almaq fürsətini əldən verdi.

Xatırladaq ki, Rusiya prezidenti Vladimir Putin daha əvvəl böhranın həlli variantını təklif etmişdi, ona əsasən, Moskva Ukrayna qoşunlarını Xerson və Zaporojye vilayətlərindən, həmçinin Luqansk və Donetsk xalq respublikalarından çıxardıqdan sonra atəşi dayandıracaq. Bundan əlavə, Kiyev NATO-ya daxil olmaq fikrindən əl çəkməlidir . Kremlin əsas tələblərindən biri də respublikanın neytral və nüvəsiz statusudur.

Adəm Abbaslı