Zelenski erməni ilə əvəz edilir: Vaşinqtonun ƏLİ VAR - FOTO

Ukraynanın keçmiş daxili işlər naziri erməni əsilli Arsen Avakov Vaşinqton tərəfindən Vladimir Zelenskinin yerinə uyğun namizəd hesab edilir.

Publika.az xəbər verir ki, bu barədə Rusiya Xarici Kəşfiyyat Xidmətinin mətbuat bürosunda məlumat paylaşılıb.

Departamentin bəyanatında deyilir: “Ukraynanın keçmiş daxili işlər naziri Arsen Avakov hazırda uyğun namizəd hesab olunur. Ukrayna millətçi birləşmələri ilə sıx əlaqələri və Avropa ölkələrinin liderləri ilə davamlı əlaqələri Avakovun “güclü tərəfləri”dir".

Bundan əlavə, məlumatda qeyd edilib ki, Zelenski hakimiyyəti saxlamaq üçün “çılğın hərəkətlərə” keçməyə məcburdur.

Həmçinin qeyd edilir ki, amerikalılar Kiyevin aldığı milyardlarla dollarlıq hərbi yardımın məqsədyönlü istifadəsinə şübhə ilə yanaşırlar, çünki həm Demokratlar, həm də Respublikaçılar partiyalarında Amerika elitası arasında Zelenskidən narazılıq artır.

Vaşinqtonun Ukrayna liderini vəzifəsindən getməyə məcbur etmək, onu nüfuzdan salmaq üçün güclü informasiya kampaniyasına başlayacağı gözlənilir.

Departament vurğulayır ki, Zelenski öz mövqeyini möhkəmləndirmək və münaqişənin həlli ilə bağlı Moskva ilə mümkün danışıqlara daha yaxşı hazırlaşmaq üçün daha idarəolunan və daha az korrupsiyalaşmış fiqur axtarışında olan Amerika hökumətinin narahatlığına səbəb olub.

Adəm Abbaslı