Dünya

Kanada ABŞ-ın 51-ci ştatı ola bilər: Trampdan Trüdoya TƏKLİF

3 Dekabr 2024 18:06

ABŞ-ın yeni seçilmiş prezidenti Donald Tramp bəyan edib ki, Ottava Amerika sərhədini qoruya bilmir. 70-dən çox ölkədən narkotik və miqrantların keçməsinə icazə verir.

Publika.az xəbər verir ki, bu barədə "Fox News" məlumat yayıb.

Tramp Ağ Evə qayıtdığı ilk gündə sərhəd məsələləri və 100 milyard dollarlıq ticarət kəsirinin həll edilmədiyi təqdirdə Kanada mallarına 25% rüsum tətbiq edəcəyi ilə hədələyib.

Kanadanın baş naziri Castin Trüdo buna qarşı çıxıb, çünki bunun Kanada iqtisadiyyatını məhv edəcəyini düşünür. Bu zaman isə Tramp Trüdodan “belə çıxır ki, ABŞ 100 milyard dollar verməsə, sizin ölkəniz yaşaya bilməz?”, deyə soruşub.

Qeyd olunur ki, Tramp həmçinin Trüdoya Kanadanı Amerikanın 51-ci ştatına çevirməyi təklif edib ki, bu da baş nazirin "hirsli gülüşünə" səbəb olub.

Adəm Abbaslı