Tramp Zelenski ilə görüşmək istəməyib və... - Paris görüşünün pərdəarxası

ABŞ-ın yeni seçilmiş prezidenti Donald Tramp Ukrayna lideri Vladimir Zelenski ilə görüş keçirmək istəməyib. Lakin Fransa Prezidenti Emmanuel Makron onun fikrini dəyişə bilib.

Publika.az xəbər evrir ki, bu barədə "Axios" portalı mənbələrə istinadən məlumat yayıb.

“Son günlər Makron Trampı Zelenski ilə birgə görüş keçirməyə razı salmağa çalışırdı. Mənbələrdən biri Trampın əvvəlcə görüşü keçirmək istəmədiyini, lakin sonda razılaşdığını bildirib”, - nəşr yazır.

Bununla belə, Makron, Tramp və Zelenski arasında görüşün 45 dəqiqə davam etdiyi, “yaxşı və məhsuldar” olduğu qeyd edilib.

Məlumata görə, Makron Tramp və Zelenski ilə görüşdə Ukraynadakı münaqişəni necə bitirmək barədə müzakirəyə başlamağa çalışıb.

Xatırladaq ki, dekabrın 7-də axşam saatlarında Tramp, Zelenski və Makron arasında üçtərəfli görüş baş tutub. Bu, dünya liderlərinin iştirak etdiyi Notr-Dam kilsəsinin açılış mərasimindən əvvəl baş verib. Fransa, ABŞ və Ukrayna prezidentləri görüşdən sonra ayrı-ayrılıqda Notr-Dam kilsəsinə yollanıblar.

Ləman