Donetskdə vəziyyət ağırdır: Ukrayna ordusu bu ərazilərdə mühasirəyə alınır

Zarya kəndi ruslar tərəfindən işğal olunub. Donetskdə vəziyyət getdikcə pisləşir.

Publika.az xəbər verir ki, bu barədə Ukraynanın "DeepState" layihəsinin analitikləri məlumat yayıb.

Onların fikrincə, ruslar Donetsk vilayətində Novotroitski, Uspenovka, Kuraxovo, Sontsevka və Veseli Qay yaxınlığında irəliləyiblər.

Analitiklər “Uspenovski kisəsi”nə daxil olan Yelizavetovka, Romanovka, Veseliy Qay, Annovka qəsəbələrindəki vəziyyətə xüsusi diqqət yetirirlər. Rusiya ordusu hər tərəfdən müdafiəni yarmağa çalışır. Trudovoye, Uspenovka və Dalneye kəndləri mühafizədə əsas rol oynayır. Məhz buradan ruslar tam mühasirəyə düşmə təhlükəsi altında olan Uspenivkaya hücum etmək üçün qüvvələrini cəmləşdirirlər.

Məlumata görə, Ukrayna hərbçiləri mövqeləri tutmaq üçün fəal döyüşür, lakin qarşı tərəfin canlı qüvvədə əhəmiyyətli üstünlüyü səbəbindən vəziyyət çətin olaraq qalır.

Onların fikrincə, lazımi koordinasiyanın olmaması Ukrayna Müdafiə Qüvvələrinin bölmələrinin bir anda bir neçə yaşayış məntəqəsində mühasirəyə düşməsi riskinə səbəb ola bilər.

Adəm Abbaslı